(උදයම්,කොළඹ) – ඉන්දුනීසියානු ජනාධිපති ජොකෝ විඩෝඩා (Joko Vidoda) එරට නිල සංචාරයක් සදහා ජනාධිපති මෛත‍්‍රීපාල සිරිසේන මහතාට ආරාධනාවක් කළ බව ඉන්දුනීසියානු විදේශ කටයුතු නියෝජ්‍ය අමාත්‍ය ඒ.එම්. ෆෂීර් (A.M Fachir) මහතා ජනාධිපතිවරයා වෙත දැනුම් දෙයි.
ඊයේ (23) පස්වරුවේ ජනාධිපති කාර්යාලයේදී පැවති සාකච්ඡුාවේදී ඒ.එම්. ෆෂීර් (A.M Fachir) මහතා මේ බව සදහන් කළේය.
ඒ අනුව ජනාධිපතිවරයා ලබන මස 6 – 7 දිනයන්හි ජාකර්තාහි පැවැත්වීමට නියමිත ඉන්දියානු සාගර කලාපීය සහයෝගීතා කවයේ සමුළුවට සහභාගී වීමට නියමිත අතර එය අවසන් වූ පසුව ඉන්දුනීසියාවේ නිල සංචාරය සදහා මෙලෙස ඇරයුම් ලැබ තිබේ.
නිල සංචාරය සදහා කළ ආරාධනය පිළිබද සිය ස්තුතිය පළකළ ජනාධිපතිවරයා එම සංචාරයේදී වෙළෙද ආයෝජන, ප‍්‍රවාහන හා සංචාරක ඇතුළු විවිධ ක්ෂේත‍්‍රයන් සංවර්ධනය කරගැනීම සම්බන්ධයෙන් ද්විපාර්ශවික සබදතා පැවැත්වීමට බලාපොරොත්තු වන බව ද සදහන් කළේය.
