(උදයම්,කොළඹ) – බොරැල්ල පොලිස් බලප්‍රදේශය තුළදී බස් රථයක ගමන්ගනිමින් සිටි කාන්තාවකගේ අත්බෑගය සොරාගෙන එහි තිබුණු රු. 102300 ක් මුදලක් ගත් සහ එහි තිබුණු ණයවර කාඩ්පතකින් බොරැල්ල වෙළඳසැලකින් රු. 27705ක ඇඳුම් ලබාගත් සැකකාරියන් දෙදෙනෙකු සොයා පොලීසිය පරීක්ෂණ අරඹයි.
පසුගිය 27 වන දින පෙරවරුවේ මෙම කාන්තාවන් දෙදෙනා අදාළ සොරකම් සිදුකර ඇති බවත්, ඔවුන් නීතියේ රැහැනට හසුකර ගැනීම සඳහා සහය වන ලෙස මහජනයාගෙන් ඉල්ලා සිටින බව පොලිස් මාධ්‍ය ප්‍රකාශක, නියෝජ්‍ය පොලිස්පති ප්‍රියන්ත ජයකොඩි මහතාගේ අත්සනින් යුතුව නිකුත් කළ නිවේදනයක දැක්වේ.
මෙම සැකකාරියන් පිලිබඳ තොරතුරක් දන්නේ නම් 071-8591587 , 077-7264299 , 011-2693938 , 011-2694019 යන දුරකථන අංක වලට දැනුම් දෙන ලෙස පොලිසිය ජනතාවට දැනුම් දෙයි .
