(UTV| කොළඹ) – පාස්කු ඉරිදා එල්ල වූ ම්ලේච්ඡ ත්‍රස්ත ප්‍රහාරයෙන් විදේශීකයන් රැසකට ද අමිහිරි මතක රැසක් ඉතිරි කෙරිණි. ඇතැමෙකුට තම දරුවන්, සොහොයුරන් මෙන්ම ඥාතීන් අහිමි වුව ද ඔවුන් තවමත් ශ්‍රී ලංකාව පිළිබඳව පසුවන්නේ සුබවාදී ආකල්පයකිනි.
පාස්කු ඉරිදා ප්‍රහාරයෙන් විපතට පත්වූවන්ගේ ජීවිත නඟා සිටුවීම වෙනුවෙන් බ්‍රිතාන්‍යයේ අරමුදලක් ස්ථාපිත කිරීම ඊට කදිම නිදසුනකි.
තම පියාණන් සමග ශ්‍රී ලංකාවේ සංචාරයක නිරතව සිටිය දී බ්‍රිතාන්‍ය ජාතික 19 හැවිරිදි ඩැනියෙල් ලින්සි සහ 15 හැවිරිදි අමෙලි ලින්සි පාස්කු ඉරිදා ප්‍රහාරයට ලක්ව අවාසනාවන්ත ලෙස ජීවිතයෙන් සමු ගත්හ.
පාස්කු ඉරිදා ඛේදවාචකයෙන් තම නැගණිය සහ සොහොයුරා මෙලොව හැරගිය ද ඉන් විපතට පත් ශ්‍රී ලාංකීය ජනතාව වෙනුවෙන් හරවත් යමක් කිරීමට ඔවුන්ගේ වැඩිමහල් සොහොයුරා වූ සරසවි ශිෂ්‍යයෙකු වන 21 හැවිරිදි ඬේවිඩි ලින්සි තීරණය කළේය.
ඒ අනුව “දී අමෙලි ඇන්ඩ් ඩැනියෙල් ලින්සි” පදනම ස්ථාපිත කෙරුණු අතර ප්‍රහාරයෙන් විපතට පත්වූ මෙරට පවුල්වලට උපකාර කිරීම හා සෞඛ්‍ය පහසුකම් ඉහළ නැංවීම එහි අරමුණයි.
එම පදනම් හරහා එක් රැස් කර ගන්නා ලද මුල්‍යධාර රැගෙන දිවයිනට පැමිණ සිටින ඬේවිඩි ලින්සි මහතා අද (06) ජනාධිපති කාර්යාලයේ දී ජනාධිපතිවරයා හමු වී තම වැඩපිළිවෙළ පිළිබඳව එතුමා දැනුවත් කළේය.
කොළඹ, මඩකලපුව සහ මීගමුව රෝහලවල හදිසි වෙද්‍ය උපකරණ අවශ්‍යතා සම්පාදනය කිරීමට ද මෙම පදනම හරහා විශේෂ වැඩසටහනක් ක්‍රියාත්මකය.
පාර්ලිමේන්තු මන්ත්‍රී ෆයිසර් මුස්තාපා මහතා ද මෙම අවස්ථාවට එක් විය.
[alert color=”faebcc” icon=”fa-commenting”] රටේ ලෝකයේ සිදු වන සිදුවීම් එසැණින් දැන ගන්න UTV alerts සක්‍රීය කරගන්න.[textmarker color=”8a6d3b”] UTV alerts සක්‍රීය කිරීමට .REG <හිස්තැනක් > utv ලෙස සටහන් කර 77000 ට [/textmarker] යොමුකිරීමෙන් මෙම උණුසුම් පුවත් ඔබට දැන් ලබා ගත හැක [/alert]
