(UTV | කලුතර) – හෙට (12) පෙරවරු 8 සිට පැය 10 හමාරකකලුතර දිස්ත්‍රික්කයේ ප්‍රදේශ කිහිපයකට කාලයක් ජල සැපයුම අත්හිටුවන බව ජාතික ජල සම්පාදන හා ජලාපවාහන මණ්ඩලය පවසයි.
වාද්දුව, වස්කඩුව, පොතුපිටිය, මොරොන්තුඩුව, උතුරු හා දකුණු කලුතර සහ කටුකුරුන්ද ප්‍රදේශවලට මෙම ජල කප්පාදුව බලාත්මක වන අතර නාගොඩ, පයාගල, පිලමිනාවත්ත, බෝඹුවල, මග්ගොන සහ බේරුවල අනෙක් ප්‍රදේශ වේ.
කලුවාමෝදර, මොරගල්ල, බෙන්තොට, අලුත්ගම හා දර්ගා නගරයටද හෙට පෙරවරු 8 සිට පැය 10 හමාරක කාලයක් ජල සැපයුම අත්හිටුවන බවයි ජාතික ජල සම්පාදන හා ජලාපවාහන මණ්ඩලය සඳහන් කළේය.
ලංකා විදුලිබල මණ්ඩලය විසින් සිදුකරන අලුත්වැඩියාවක් හමුවේ කෙත්හේන ජල පවිත්‍රාගාරයට විදුලිය සැපයුම නතරවීම මීට හේතුව වී තිබේ.
