(UTV| කොළඹ) – ශ්‍රී ලංකා කණ්ඩායම ටෙස්ට් හා එක්දින ක්‍රිකට් ශ්‍රේණිගතකිරීම්වල හොඳම කණ්ඩායම් හතර අතරට රැගෙන යා යුතු බව ක්‍රිකට් නායක දිමුත් කරුණාරත්න පවසයි.
ශ්‍රී ලංකා ක්‍රිකට් ආයතනය විසින් පවත්වන ලද සම්මුඛ සාකච්ඡාවකදී ඔහු මේ බව සඳහන්කර ඇත.
ඔහු පෙන්වා දෙන්නේ එවිට ලෝක ශුරයන් වීමේ කඩයිම පසුකිරීමේ පැහැදිලි මාවතක් ශ්‍රී ලංකාව හමුවේ නිර්මාණය වන බවයි.
නව පුහුණූකරු මිකි ආතර් කණ්ඩායමේ සියළුම ක්‍රීඩකයින්ගේ ආත්ම විශ්වාසය මේ වන විටත් වර්ධනය කර ඇති බව ද ඔහුගේ නව සැලසුම් හේතුවෙන් සාර්ථක ප්‍රතිඵල දැනටමත් ලැබී ඇති බව ද ශ්‍රී ලංකා ක්‍රිකට් නායකයා එහිදී වැඩිදුරටත් අදහස් පළකර ඇත.
