(UTV | කොළඹ) – මෙරට විශාලතම ජාත්‍යන්තර ක්‍රිකට් ක්‍රීඩාංගණයේ කඩිනමින් ඉදිකිරීම් ඇරඹීමට සියලු කටයුතු සූදානම් බව අමාත්‍ය බන්දුල ගූණවර්ධන මහතා පවසයි.
ඔහු මේ බව පැවසුවේ ක්‍රීඩාංගන ඉදිරිකිරීම් භූමියේ නිරීක්ෂණ චාරිකාවකින් පසු මාධ්‍යය වෙත අදහස් දක්වමින්.
හෝමාගම – දියගම ප්‍රදේශයේ අක්කර 26ක භූමි ප්‍රමාණයක ඉදිකිරීමට යෝජිත මෙම ක්‍රීඩාංගණයේ පළමු අදියර යටතේ තරඟ නරඹන්නන් 40,000 කට ආසන පහසුකම් සැළසීමටත් දෙවන අදියර යටතේ විසි දහසකට ආසන පහසුකම් සැළසීමටත් නියමිතයි.
කෙසේවෙතත් ශ්‍රී ලංකාවට තවත් ක්‍රිකට් ක්‍රීඩාංගණයක් අවශ්‍යදැයි හිටපු ප්‍රවීණ ක්‍රීඩක මහේල ජයවර්ධන ප්‍රශ්න කර තිබේ.
ඔහු ට්විටර් සටහනක් තබමින් පෙන්වා දෙන්නේ දැනට ඇති ක්‍රීඩාංගණවල පවා ජාත්‍යන්තර, දේශීය සහ පළමු පෙළ තරග ප්‍රමාණවත් පරිදි නොපැවැත්වෙන බවයි.
😲😲😲 We don’t even play enough international cricket or domestic first class cricket in the existing stadiums we have … Do we need another one? 🤦♂️ https://t.co/8CgmgiDyy1
— Mahela Jayawardena (@MahelaJay) May 17, 2020
