(UTV | කොළඹ) – බන්ධනාගාර රැඳවියන් බැලීමට යළි අවස්ථාව ලබාදීම සම්බන්ධයෙන් අවසන් තීරණයක් අද (10) දිනය තුළ ගැනීමට නියමිතය.
ඒ සම්බන්ධ විශේෂ සාකච්ඡාවක් අද දිනයේදී පැවැත්වීමට නියමිත බව ද බන්ධනාගාර දෙපාර්තමේන්තුව සඳහන් කළේය.
කන්දකාඩු පුනරුත්ථාපන මධ්‍යස්ථානයෙ රැඳවියෙකු කොරෝනා ආසාදිතයෙකු බවට වැලිකඩ බන්ධනාගාරයේදී තහවුරුවීමත් සමග අනිකුත් පුද්ගලයන්ට බන්ධනාගාර රැඳවියන් බැලීම තාවකාලිකව අත්හිටුවනු ලැබීය.
ඒ අනුව සෞඛ්‍ය නිර්දේශ අනුගමනය කරමින් රැඳවියන් බැලීමට නැවතත් අවසර දීම පිළිබඳ අවසන් තීරණයක් අද දිනයේදී ගැනීමට නියමිතව ඇත.
