(UTV |කෑගල්ල) – කෑගල්ලේ ධම්මික බණ්ඩාර මහතාගේ කොරෝනා ඖෂධය පානය කළ පුද්ගලයෙකුට කොරෝනා වෛරසය ආසාදනය වී ඇති බව වාර්තා වේ.
එම ප්‍රාදේශීය ලේකම් බලප්‍රදේශයෙන් හඳුනාගත් කොරෝනා ආසාදිතයන් දොළොස් දෙනා අතර එක් අයෙකු එම ඖෂධය භාවිත කළ අයෙකු බව වරකාපොල සෞඛ්‍ය පරීක්ෂක හේමන්ත කුමාර මහතා සඳහන් කරයි.
එම ආසාදිතයා ඔත්නාපිටියේ පදිංචිකරුවෙකි.
මෙම සියලු දෙනා ප්‍රතිකාර සඳහා රෝහල් ගත කර ඇති බවත් ආශ්‍රිතයන් නිරෝධායනයට යොදවා ඇති බවත් ඔහු තවදුරටත් කියා සිටියේය.
