(UTV | කොළඹ) – බ්‍රිතාන්‍යයේ ව්‍යාප්ත වෙමින් පවතින කොවිඩ් වෛරස ප්‍රභේදය (B.1.1.7) මෙරට ප්‍රදේශ කිහිපයකින් ගනු ලැබූ කොවිඩ් ආසාදිතයින්ගේ සාම්පල් වලින් හඳුනා ගැනීමට හැකිවූ බව ශ්‍රී ජයවර්ධනපුර විශ්ව විද්‍යාලයේ ආචාර්ය චන්දිම ජිවන්දර ප්‍රකාශ කරයි.
කොළඹ, අවිස්සාවේල්ල, බියගම සහ වව්නියාව ප්‍රදේශවලින් ලැබුණු ආසාදිතයන්ගේ සාම්පල පරීක්ෂාවෙන් මේ බව තහවුරු වී ඇත.
මෙම වෛරස් ප්‍රභේදය ලොව පුරා නව කොරෝනා රැල්ලක් ඇති කිරීමේ අවදානමක් පවතින බව බ්‍රිතාන්‍යයේ වෛද්‍ය විශේෂඥයන් ද අවධාරණය කරයි.
මේ වනවිට මෙම කොරෝනා වෛරස් ප්‍රභේදය ලොව රටවල් 50 කට පමණ පැතිරී අවසන්.
