(UTV | කොළඹ) – එළඹෙන උත්සව සමයේ බීමත් රියදුරන් සොයා අප්රේල් 10 වැනිදා සිට රට පුරා දැවැන්ත පොලිස් මෙහෙයුම් ක්රියාත්මක කරන බව පොලිස් මාධ්ය ප්රකාශක අජිත් රෝහණ මහතා ප්රකාශ කළේය.
උත්සව සමයේ මහමග සිදුවූ රිය අනතුරු හේතුවෙන් තවත් පුද්ගල ජීවිත 11 ක් අහිමි වී ඇති බව පොලිසිය පවසයි.
ඔවුන් අතරෙන් නව දෙනෙකු ඊයේ දින සිදු වූ අනතුරුවලින් මිය ගොස් ඇති අතර තවත් දෙදෙනෙකු ඊට පෙර සිදු වූ අනතුරුවලින් බරපතළ තුවාල ලබා ප්රතිකාර ලබමින් සිටි පුද්ගලයින්.
මෙලෙස මහමග අනතුරුවලින් ඊයේ දිනයේ දී මියගියේ යතුරුපැදිකරුවන් සිව්දෙනෙක්, ත්රිරෝද රථවල ගමන් කළ පුද්ගලයින් දෙදෙනෙක්, සහ පදිකයින් දෙදෙනෙක්.
එළඹෙන උත්සව සමයේ දී මහමග අනතුරු අඩු කර ගැනීම සඳහා විශේෂ අවධානය යොමු කරන ලෙස ද පොලිස් මාධ්ය ප්රකාශක නියෝජ්ය පොලිස්පති අජිත් රෝහණ මහතා මහජනතාවගෙන් ඉල්ලා සිටියි.
