(UTV| කොළඹ) – කුසල් මෙන්ඩිස්ට උප නායකත්වයේ වගකීම ද ලබා දී ඇති බැවින් ඔහුගේ පිතිකරණයේ වෙනසක් අපේක්ෂා කළ හැකි වනු ඇති බව ශ්‍රී ලංකා එක්දින කණ්ඩායමේ නව නායක කුසල් ජනිත් පෙරේරා පවසයි.
ඊයේ (13) පැවැති මාධ්‍ය හමුවකදී අදහස් දක්වමින් ඔහු කියා සිටියේ කුසල් මෙන්ඩිස්ට විවේක කාලයක් ලබා දීමට ගෙන තිබූ තීරණය ඉතා නිවැරැදි බවයි.
“කුසල් මෙන්ඩිස්ට ඇත්තටම ඒ විදිහ විවේකයක් හම්බුන එක හොදයි. ඕනෙම ක්‍රීඩකයෙක් උඩට යනව පල්ලෙහාට යනව. ඒ කාලෙට විවේකයක් ලැබෙන එක හොදයි.” යනුවෙන් කුසල් ජනිත් සදහන් කළා.
“වගකීමක් එක්ක තමයි එයාව ටීම් එකට එවලා තියෙන්නේ. එතකොට එයාට වගකීමක් දුන්නම එයා ටිකක් වෙනස් වෙයි කියලා මට හිතෙනවා පිතිකරණයේ දී. එයාට ලොකු ඉනිම් ක්‍රීඩා කරන්න පුලුවන්. ඒ වගේ කෙනෙක්ට වගකීමක් දුන්නම එයාගෙන් ගන්න පුලුවන් උපරිමය ගන්න පුලුවන් වෙයි කියලා මගේ පෞද්ගලික මතයක් තියෙනවා.”
