කොරෝනා වෛරස ව්‍යාප්තිය මැඩලීමට වසා දැමුණු එංගලන්තයේ පනවා ඇති නීති ලබන මස 19 වන දින තෙක් ලිහිල් නොකරන බව එරට රජය නිවේදනය කරනවා.
දැනට පනවා ඇති නීති මෙම මස 21 වන දින සිට ඉවත් කිරීමට එංගලන්ත රජය තීරණය කර තිබුණා. කෙසේ වුව ද කොරෝනා වෛරස 3 වන රැල්ලක් පිළිබද එරට සෞඛ්‍ය විශේෂඥයන් අනතුරු ඇගවීමත් සමගම එම නීති ලිහිල් කිරීම තවත් මසකින් දික් කිරීමටයි බලධාරීන් පියවර ගෙන ඇත්තේ. කෙසේ වුව ද මංගල උත්සවවලට සහභාගි වීම සදහා පනවා තිබූ සීමා ඉවත් කර තිබෙනවා. ඉදිරි සති දෙක ඇතුළත ලැබෙන ප්‍රතිඵල අනුව ලබන මස 19 වන දින රට සම්පූර්ණයෙන් විවෘත කරනවා ද නැද්ද යන්න සම්බන්ධයෙන් තීරණයක් ගන්නා බව අග්‍රාමාත්‍ය බොරිස් ජොන්සන් සදහන් කරයි.
