(UTV | කොළඹ) – දුම්රිය ගාස්තු ඉහළ දැමීම සඳහා ගෙන ඇති යෝජනාව තරයේ හෙළා දකින බව ශ්‍රී ලංකා දුම්රිය ස්ථානාධිපති සංගමය පවසනවා.
ගෝලීය වශයෙන් මෙරට සේම විවිධ රටවල් යම් දුෂ්කරතාවන්ට මුහුණපා සිටින අවස්ථාවේදී මෙසේ දුම්රිය ගාස්තු සංශෝධනයට ලක් කිරීමට කටයුතු කිරීම අනුමත නොකරන බවයි ඔවුන් පෙන්වා දෙන්නේ.
දුම්රිය දෙපාර්තමේන්තුව පාඩු ලබන තත්ත්වයකට පත් කර ඇත්තේ දෙපාර්තමේන්තුවේ පාලනාධිකාරියේ පවතින පරිපාලන දුර්වලතාවයක් හේතුවෙන් බවටත් එම සංගමය චෝදනා කරනවා.
