(UTV | කොළඹ) – හෙට සහ අනිද්දා දිනයන් හිදී ඩිසල් ලබා ගැනීම සඳහා ඉන්ධන පිරවුම්හල් අසලට ඒකරාශී නොවන ලෙස ලංකා ඛනිජ තෙල් සංස්ථාව මහජනතාවට දැනුම් දී සිටිනවා.
ඩිසල් මෙට්ට්‍රික් ටොන් 37,500ක් රැගත් නෞකාවක් ශ්‍රී ලංකාවට පැමිණ තිබුණත් එය ගොඩබෑමට සැලසුම් කර තිබු ආකාරයෙන් නොහැකිවූ බවයි ලංකා ඛනිජ තෙල් සංස්ථාවේ සභාපතිවරයා සඳහන් කළේ.
අත්‍යවශ්‍ය සේවා සඳහා වන වාහන සඳහා අඛන්ඩව ඩිසල් සැපයීම සිදුකරනු ලබන බව ද ඔහු වැඩිදුරටත් සඳහන් කර සිටියා.
මේ අතර පෙට්ට්‍රල් සැපයීම සාමාන්‍ය පරිදි සිදුකරනු ලබන බවයි ඛනිජ තෙල් සංස්ථාවේ සභාපතිවරයා වැඩිදුරටත් සඳහන් කළේ.
