(UTV | කොළඹ) – අන්තර් විශ්වවිද්‍යාල ශිෂ්‍ය බලමණ්ඩලයේ (අවිශිබම) කැඳවුම්කරු ජුලි 20 වැනිදා පැවති මාධ්‍ය හමුවකදී කියා සිටියේ පාර්ලිමේන්තුවට ගිනි තැබුවොත් ගාලු මුවදොර විරෝධතාකරුවන්ට දොස් පැවරිය යුතු නැති බවයි.
ගාලු මුවදොර විරෝධතාකරුවන් ඉදිරිපත් කර ඇති යෝජනා මාලාව ප්‍රතික්ෂේප කළහොත් ඊට ප්‍රතිචාරය ඉදිරි සති දෙක තුන ඇතුළත ලැබෙන බවද කැඳවුම්කරු පැවසීය.
වසන්ත මුදලිගේ කියා සිටියේ පාර්ලිමේන්තුව මහජන අදහස් නොසලකමින් රනිල් වික්‍රමසිංහ මහතාට ජනාධිපතිවරයා ලෙස බලය ලබාදුන් බවයි.
“ගෝඨාභය රාජපක්‍ෂ සහ මහින්ද රාජපක්‍ෂ යන දෙදෙනාම තනතුරුවලින් ඉවත් කිරීම ජන බලය සහතික කරයි. එම බලයම රනිල් වික්‍රමසිංහ මහතාද ඉවත් වන බව සහතික කරයි” මුදලිගේ පැවසීය.
