(UTV | කොළඹ) – ජාතික ඉන්ධන අවසරපත මගින් හදුන්වාදුන් QR කේත ක්‍රමයට ඉන්ධන නිකුත් කිරීම අද සිට දීප ව්‍යාප්තව ක්‍රියාවට නැංවෙනවා.
ඒ අනුව අද දිනයේ ඉන්ධන නිකුත් කරන දිවයින පුරා පිහිටි සියලුම සිපෙට්කෝ සහ ලංකා අයි.ඕ.සී. ඉන්ධනහල් ජාලය මඟින් මෙම වැඩ පිළිවෙල ක්‍රියාවට නැංවීමට අපේක්ෂා කරන බවයි විදුලිබල හා බලශක්ති අමාත්‍යාංශය පැවසුවේ.
ඒ අනුව අද දිනයේ ඉන්ධන ලැබීමට නියමිත සියලුම ඉන්ධන පිරවුම්හල්වල එම පද්ධතිය සක්‍රීය කිරීමට කටයුතු කරන බව ශ්‍රී ලංකා තොරතුරු හා සන්නිවේදන තාක්ෂණ නියෝජිත ආයතනය පැවසුවා.
