(UTV | කොළඹ) – ශ්‍රී ලංකාවට උපකාර කිරීමට හැකි සෑම අයුරින්ම ඉන්දියාව මේ වනවිට උපකාර කර ඇතැයි එරට විදේශ අමාත්‍ය එස් ජයිශංකර් පවසනවා.
මෙම වසර තුළදී පමණක් ඩොලර් බිලියන 3.8 ක ආධාර ඉන්දියාව විසින් ශ්‍රී ලංකාවට ලබාදී ඇති බවයි ඔහු සඳහන් කළේ.
ඉන්දු – පැසිෆික් කලාපය සඳහා වන ඉන්දියාවේ දැක්ම යන මැයෙන් තායිලන්තයේ පැවති දේශනයක් අවසානයේ නැගුණු ප්‍රශ්න මාලාවකට පිළිතුරු දෙමිනුයි විදේශ අමාත්‍යවරයා මෙම අදහස් පළකර ඇත්තේ.
මුල්‍යාධාර – ණය පහසුකම් සහ විදේශ විනිමය හුවමාරු යන ක්‍රම යටතේ මෙම ආධාර සපයා ඇති බව එසි ජයිශංකර් සඳහන් කර තිබෙනවා.
ජාත්‍යන්තර මූල්‍ය අරමුදල හරහා සැපයිය හැකි ඕනෑම සහයක් ලබාදීමටද ඉන්දියාව සුදානම් බවයි ඔහු වැඩිදුරටත් අවධාරණය කර ඇත්තේ.
