(උදයම්,කොළඹ) – තායිලන්තයේ සිට දෝහා බලා ගමන් ගනිමින් තිබූ ගුවන් යානයක් හදිසියේ ගිනි ගැනීමට ලක් වීම සම්බන්ධයෙන් මේ වනවිට පරීක්ෂණ ආරම්භ කර තිබේ.
ඇතිවූ මෙම හදිසි තත්වයක් හේතුවෙන් එම ගුවන් යානය ඊයේ රාත්‍රි 8.27 ට පමණ කටුනායක ගුවන්තොටුපොළට ගොඩබස්සවා ඇත.
යානය කටුනායක ගුවන් තොටුපළ වෙත පැමිණෙන යානයක් නොවන බවත් එය ශ්‍රී ලංකාවට ඉහළ අහසේ ගමන් ගනිමින් තිබියදී ඇතිවූ මෙම තත්වය හේතුවනේ එහි ගුවන් නියමුවා වහාම යානය කටුනායක ගුවන් තොටුපළ වෙත සුරක්ෂිතව ගොඩබැස්සීමට පියවර ගෙන ඇති බව වාර්තා වේ.
කෙසේ වෙතත් කටුනායක ගුවන් තොටුපළ තුළ හදිසි අවස්ථාවක් ප්‍රකාශයට පත් කරමින් ගිනි නිවන රථ ,රෝගීන් ප්‍රවාහනයට අවශ්‍ය ගිලන් රථ ආදිය සූදානම් කර මෙම යානය ගොඩබැස්සීමට පියවර ගෙන තිබේ.
ඒ අනුව එම යානයේ සිටි මගීන් ගුවන් යානයෙන් ඉවත්කර ඇති බවටයි වාර්තා වේ.
