(UTV | කොළඹ) –
බ්‍රිතාන්‍ය පුරවැසියෙකු වන හිටපු පාර්ලිමේන්තු මන්ත්‍රිනී ඩයනා ගමගේ, ආගමන හා විගමන පනත උල්ලංඝනය කරමින් ව්‍යාජ තොරතුරු ඉදිරිපත් කර විදෙස් ගමන් බලපත්‍ර ලබා ගැනීමේ චෝදනා යටතේ කොළඹ ප්‍රධාන මහේස්ත්‍රාත් අධිකරණයේ ඊයේ 11 වෙනිදා නඩුවක් ගොනු කර තිබේ.
මේ වන විට ඇප මත සිටින ඩයනාගමගේ මහත්මිය විත්ති කූඩුවේ පෙනී සිටීමෙන් අනතුරුව අපරාධ පරීක්ෂණ දෙපාර්තමේන්තුව මගින් පැමිණිලි ගොනු කරමින් නඩු පැවරු අතර චෝදනා කියවාදීම අගෝස්තු 01 දින සිදු කරන ලෙස කොළඹ අතිරේක මහේස්ත්‍රාත් හර්ෂණ කැකුළු වෙල මහතා දන්වා සිටියේය.
නඩු භාණ්ඩයක් ලෙස අපරාධ පරීක්ෂණ දෙපාර්තමේන්තුව මගින් අධිකරණයට ඉදිරිපත් කළ විත්තිකාරියගේ රාජ්‍යත්‍රාන්තික ගමන් බලපත්‍රය අධිකරණයට බාර දෙන ලෙසද මහේස්ත්‍රාත්වරයා නියෝග කළේය.
