(UTV | කොළඹ) –
ජනාධිපතිවරයා මැතිවරණ නීති උල්ලංඝනය කරමින් සිදුකරන නීති විරෝධි ක්‍රියාදාමයන් නැවැත්වීමට කටයුතු කරන්නැයි මැතිවරණ කොමිසමෙන් ඉල්ලා සිටින බව පාර්ලිමේන්තු මන්ත්‍රී මුජිබර් රහුමාන් මහතා පවසනවා.සමගි ජන බලවේග පක්ෂ මූලස්ථානයේ ඊයේ (21) පැවති මාධ්‍ය හමුවකදී මන්ත්‍රීවරයා එම අදහස් පළ කළේය.
වැඩිදුරටත් අදහස් දැක්වූ මන්ත්‍රීවරයා මෙසේ ද කීවේය. සජිත් ප්‍රේමදාස මහතා ජනාධිපතිවරණයෙන් පරාජය කිරීමට කුමන්ත්‍රණ රැසක් රට තුළ ක්‍රියාත්මක වූවත් ජනාධිපති රනිල් වික්‍රමසිංහ මහතාගේ පරාජය වෙනවා.මැතිවරණ නීති රීතිවලට පටහැනිව ක්‍රියාකරන ජනාධිපතිවරයා සමගි ජන බලවේගයේ මන්ත්‍රීවරුන් බිලිබා ගැනීම උත්සාහ කරනවා. ජනාධිපතිවරයාගේ ඡන්ද සළකුණ නිසා ජනතාවට ගෑස් පෝලිම් යුගය ආදි ගැටළු නැවත නැවතත් මතකයට එනවා. එකළ ජනතාවට ප්‍රශ්න ඇති කළ මැති ඇමතිවරු රාශියක් මේ වන විට ජනාධිපතිවරයා සමග එක්ව සිටින බවද හෙතෙම සඳහන් කළේය.
