එළඹෙන 14 වෙනිදා වන විට, ඡන්ද හිමි නාමලේඛනයේ නම සඳහන් ස්ථීර පදිංචිකරුවන්ට හිම් නිල ඡන්ද දැන්වීම් පත්‍රිකාව නොලැබුණේන්ම්, තමන්ට අදාළ ප්‍රදේශයේ තැපැල් කාර්යාලයෙන් ලබාගත හැකි බව නියෝජ්‍ය තැපැල්පති රාජිත රණසිංහ පවසනවා.
අනන්‍යතාව තහවුරු කළ හැකි, හැඳුනුම්පත රැගෙන නියමිත තැපැල් කාර්යාලයට ගොස් අනන්‍යතාවය තහවුරු කර සිය ඡන්ද දැන්වීම් පත්‍රිකාව ලබා ගන්නා ලෙස නියෝජ්‍ය තැපැල්පතිවරයා ඉල්ලීමක් කරයි. මැතිවරණය පැවැත්වෙන දින තෙක්ම ඡන්ද දායකයින්ට එය ලබා ගත හැකිය.
මේ වන තෙක් මැතිවරණයට අදාළ නිල ඡන්ද දැන්වීම් පත්‍රිකා මිලියන 10කට අධික ප්‍රමාණයක් බෙදා හැර අවසන් බවත්, සෙසු ඡන්ද දැන්වීම් පත්‍රිකා ඉදිරි දින කිහිපය තුළ බෙදා හරින බවද, නියෝජ්‍ය තැපැල්පතිවරයා සඳහන් කරයි.
