රටේ මතු පරපුර වෙනුවෙන් දියුණු රටක් නිර්මාණය කිරීමට නම් එළැඹෙන ජනාධිපතිවරණයේදී ශ්‍රී ලංකා පොදුජන පෙරමුණ ජයග්‍රහණය කළ යුතු යැයි ජනාධිපති ධුර අපේක්ෂක නාමල් රාජපක්ෂ පවසයි. මහනුවර ප්‍රදේශයේ පැවති රැස්වීමකදී රාජපක්ෂ මහතා එම අදහස් පළ කළේය.
එහිදී වැඩිදුරටත් අදහස් දැක්වූ ශ්‍රී ලංකා පොදුජන පෙරමුණේ ජනාධිපති ධුර අපේක්ෂක නාමල් රාජපක්ෂ මහතා මෙසේ ද කීවේය. මේ පණිවුඩය ගමට ගෙනියන්න. අපට වැඩපිළිවෙළක් තියෙනවා. අපි රටට වැඩකරලා තියෙනවා. මේ රටට එරෙහිවෙලා නැහැ. අපේ රටට නොගැළපෙන කිසිදු නීතියක් සම්මත කරන්න උත්සාහ කරන්නේ නැහැ. අපේ ඉලක්කය ඩොලර් බිලියන 180ක ආර්ථිකයකට යෑම.සමහරු අහනවා මේක පුළුවන්ද කියලා. වැඩකරන්න බැරි අයට, වැඩකරලා නැති අයට ඒක කරන්න බැහැ. හැබැයි අපි දන්නවා ඒක කරන විදිහ.
