පැවැති ජනාධිපතිවරණය සහ යෝජිත පාර්ලිමේන්තු මැතිවරණ පිළිබඳ සාකච්ඡාවක් ශ්‍රී ලංකා පොදුජන පෙරමුණේ නෙළුම් මාවත පක්ෂ කාර්යාලයේ දී පවත්වා තිබේ. මේ සඳහා පක්ෂයේ ඉහළ පෙළේ පිරිසක් සහභාගී වී ඇතැයි සඳහන්.
ජනාධිපතිවරණ සමයේදී පක්ෂය හැර ගිය පුද්ගලයින් නැවත ශ්‍රී ලංකා පොදුජන පෙරමුණට බාර ගන්නේදැයි එහිදී දීර්ඝ ලෙස සාකච්ඡා කර ඇති අතර, දූෂණ චෝදනා එල්ල වී ඇති කිසිවකු යළි භාර නොගැනීමට ද පක්ෂය තීරණය කර ඇතැයි සඳහන්. මීට පෙර පක්ෂය හැර ගිය බොහෝ දෙනා නැවත පක්ෂය හා එක්වීමට ඉල්ලීම් කර ඇති තිබෙන බවත්, එම පිරිස නැවත පක්ෂයට එකතු කර ගන්නේදැයි සාකච්ඡා කරමින් තිබෙන බවද සඳහන්.
