වී ගොවින් සඳහා වන පොහොර සහනාධාරය සහ ධීවරයින් සඳහා ඉන්දන සහනාධාරය ලබාදීමට වත්මන් ආණ්ඩුව ගෙන ඇති තීරණය පිළිබඳව හිටපු විදුලිබල හා බලශක්ති අමාත්‍ය කංචන විජේසේකර මහතා විසින් විශේෂ පැහැදිලි කිරීමක් කර තිබේ.
වී ගොවින් සඳහා වන පොහොර සහනාධාරය සහ ධීවරයින් සඳහා ඉන්දන සහනාධාරය ලබාදීමට හිටපු ජනාධිපති රනිල් වික්‍රමසිංහ මහතා ප්‍රමුඛ කැබිනට් මණ්ඩලය ගත් තීරණය මැතිවරණ කොමිෂන් සභාව විසින් අත්හිටුවූ බවත්, කංචන විජේසේකර හිටපු අමාත්‍යවරයා සඳහන් කරයි.
එමෙන්ම, විදුලිබල අමාත්‍යාංශය සඳහා ඉන්දියානු ආධාර මත ලැබී තිබෙන සූර්ය පැනල කඩිනමින් පිරිවෙන් අටසියය සඳහා ලබාදීමේ වැඩපිළිවෙලද, හිටපු ජනාධිපි රනිල් වික්‍රමසිංහ මහතාගේ ආණ්ඩුවේ කැබිනට් මණ්ඩලය විසින් තීරණය කර තිබියදී, එයද මැතිවරණ කොමිෂන් සභාව විසින් අත්හිටුවූ බවද කංචන විජේසේකර හිටපු අමාත්‍යවරයා පෙන්වා දෙයි.
කෙසේ නමුත්, රනිල් වික්‍රමසිංහ ජනාධිපතිවරයාගේ ආණ්ඩුව සමයේ කැබිනට් මණ්ඩලය ජනතාව වෙනුවෙන් ගත් තීන්දු ඉටු කිරීමට වත්මන් ජනාධිපති අනුර දිසානායක මහතාගේ ආණ්ඩුව කටයුතු කිරීම ගැන ජනතාවගේ පැත්තේ සිට සිය ප්‍රසාදය පළ කරන බවද කංචන විජේසේකර මහතා සඳහන් තරයි.
අදාළ ව්‍යාපෘතිබ ක්‍රියාත්මක කිරීම වළක්වමින් මැතිවරණ කොමිෂන් සභාව විසින් රනිල් වික්‍රමසිංහ මහතාගේ ආණ්ඩුව වෙත නිකුත් කළ උපදෙස් සහිත ලිපි පහතින් දැක්වේ.
