පසුගිය සැප්තැම්බර් මස 24 වැනිදා ජනාධිපතිවරයා විසින් විසුරුවා හරිනු ලැබූ නව වැනි පාර්ලිමේන්තුව මන්ත්‍රීවරුන් 241 දෙනෙකු නියෝජනය කළ බව පාර්ලිමේන්තුවේ සන්නිවේදන දෙපාර්තමේන්තුව සඳහන් කරයි. එම පාර්ලිමේන්තු කාලය තුළ ආණ්ඩුක්‍රම ව්‍යවස්ථාවේ 66 වන ව්‍යවස්ථාවට ප්‍රකාරව මන්ත්‍රීධුර 19ක පුරප්පාඩු වී තිබේ.
ජාතික ලැයිස්තුවෙන් පාර්ලිමේන්තුවට තේරී පත්වූ ජයන්ත කැටගොඩ මහතා ඉල්ලා අස්වූ අතර ඒ වෙනුවට බැසිල් රාජපක්ෂ මහතා පත්කරන කළ අතර, අනතුරුව ජාතික ලැයිස්තු මන්ත්‍රී අජිත් නිවාඩ් කබ්රාල් මහතාගේ ඉල්ලා අස්වීමෙන් ඇති වූ පුරප්පාඩුවට නැවතත් ජයන්ත කැටගොඩ මහතා පත් කෙරිණ.
මුජිබර් රහුමාන් මහතාගේ ඉල්ලා අස්වීම හේතුවෙන් පුරප්පාඩු වූ අසුන සඳහා ඒ.එච්.එම්. ෆවුසි මහතා තේරී පත්වූ අතර අධිකරණ තීන්දුවක් අනුව පුරප්පාඩු වූ ඩයනා ගමගේ මහත්මියගේ පාර්ලිමේන්තු අසුන සඳහා නැවතත් මුජිබර් රහුමාන් මහතා පත් කෙරිණ. .
අධිකරණ නියෝගයකින් මන්ත්‍රී ධූරය අහෝසි වූ මනූෂ නානායක්කාර මහතා වෙනුවෙනුවට බන්දුල ලාල් බණ්ඩාරිගොඩ මහතා පාර්ලිමේන්තුවේ දිවුරුම් දුන් අතර, එම අධිකරණ තීන්දුවෙන් පුරප්පාඩු වූ ගරු හරීන් ප්‍රනාන්දු මහතාගේ මන්ත්‍රීධූරය සඳහා නව මන්ත්‍රීවරයකු පත් නොකෙරිණ.
ජනතා විරෝධය හමුවේ 07 වන ජනාධිපතිවරයා ලෙස දිවුරුම්දුන් ගෝඨාභය රාජපක්ෂ මහතා සිය ධුරයෙන් ඉල්ලා අස්වීම හේතුවෙන්.එම පාර්ලිමේන්තුව නියෝජනය කළ රනිල් වික්‍රමසිංහ මහතා මෙරට 08 වැනි විධායක ජනාධිපතිවරයා ලෙස තේරී පත්වූ අතර, ඒ වෙනුවෙන් පුරප්පාඩු වූ මන්ත්‍රී ධූරයට වජිර අබේවර්ධන මහතා පත් කෙරිණ.
මෙම පාර්ලිමේන්තුව වාර අවසාන කිරීම් 4කට ලක්වී ඇති අතර මින් පළමු වාර අවසාන කිරීම් දෙක හිටපු ජනාධිපති ගෝඨාභය රාජපක්ෂ මහතා විසින් කළ අතර. තෙවැනි සහ සිව් වැනි වාර අවසාන කිරීම් සිදු කරනු ලැබුවේ, හිටපු ජනාධිපති රනිල් වික්‍රමසිංහ මහතා විසින් වූ අතර, පාර්ලිමේන්තුව විසුරවීමේ නිවේදනය නිකුත් කළේ ජනාධිපති අනුර කුමාර දිසානායක මහතා විසින් වීම විශේෂත්වයකි. ඒ අනුව නව වෙනි පාර්ලිමේන්තු කාලය තුළ ජනාධිපතිවරු තිදෙනෙකු පත්වූහ.
එමෙන්ම මෙම සභාවාර 5 තුළ පාර්ලිමේන්තුව දින 390ක් රැස්වුණ පාර්ලිමේන්තුව නියෝජනය කළ මන්ත්‍රීවරු දෙදෙනෙකු ජනාධිපති ධූරයට පත්වීමේ සිද්ධිය ශ්‍රී ලංකා පාර්ලිමේන්තු ඉතිහාසයේ සුවිශේෂ සලකුණකි. එමෙන්ම පාර්ලිමේන්තුව විසුරවන දිනය වන විට මන්ත්‍රී ධූර දෙකක පුරප්පාඩුවක් තිබීම ද විශේෂත්වයකි.
පාර්ලිමේන්තුවෙන් ඉවත් වූ සහ පත් වූ මන්ත්‍රීවරුන්ගේ නාම ලේඛනය
| අංකය | මන්ත්‍රීවරයාගේ නම සහ මන්ත්‍රීධුරය පුරප්පාඩු වීමට හේතුව | පුරප්පාඩුව සඳහා පත් වූ නව මන්ත්‍රීවරයාගේ නම |
| ඉල්ලා අස්වීම | ||
| 01 | ගරු ජයන්ත කැටගොඩ මහතා | ගරු බැසිල් රාජපක්ෂ මහතා |
| 02 | ගරු අජිත් නිවාඩ් කබ්රාල් මහතා | ගරු ජයන්ත කැටගොඩ මහතා |
| 03 | ගරු මහින්ද සමරසිංහ මහතා | ගරු ලලිත් වර්ණකුමාර මහතා |
| 04 | ගරු බැසිල් රාජපක්ෂ මහතා | ගරු ධම්මික පෙරේරා මහතා |
| 05 | ගරු මුජිබර් රහුමාන් මහතා | ගරු ඒ. එච්. එම්. ෆවුසි මහතා |
| 06 | ගරු චමින්ද විජේසිරි මහතා | ගරු නයන වාසලතිලක මහතා |
| 07 | ගරු උද්දික ප්‍රේමරත්න මහතා | ගරු එස්. සී. මුතුකුමාරණ මහතා |
| 08 | ගරු තලතා අතුකෝරල මහත්මිය | ගරු කරුණාරත්න පරණවිතාන මහතා |
| ආණ්ඩුක්‍රම ව්‍යවස්ථාවේ 89 හෝ 91 ව්‍යවස්ථාවේ විධිවිධාන ප්‍රකාරව මන්ත්‍රීධුරයක් දැරීමට නුසුදුස්සෙකු වීම | ||
| 09 | ගරු රංජන් රාමනායක මහතා | ගරු අජිත් මාන්නප්පෙරුම මහතා |
| 10 | ගරු ඩයනා ගමගේ මහත්මිය | ගරු මුජිබර් රහුමාන් මහතා |
| පක්ෂ සාමාජිකත්වයෙන් පහ කිරීම | ||
| 11 | ගරු නසීර් අහමඩ් මහතා | ගරු අලි සහිර් මවුලානා මහතා |
| 12 | ගරු මනූෂ නානායක්කාර මහතා | ගරු බන්දුල ලාල් බණ්ඩාරිගොඩ මහතා |
| 13 | ගරු හරීන් ප්‍රනාන්දු මහතා | —– |
| මියයෑම | ||
| 14 | ගරු අමරකීර්ති අතුකෝරල මහතා | ගරු ජගත් සමරවික්‍රම මහතා |
| 15 | ගරු සනත් නිශාන්ත මහතා | ගරු ජගත් ප්‍රියංකර මහතා |
| 16 | ගරු එච්. නන්දසේන මහතා | ගරු එම්. ජී. වීරසේන මහතා |
| 17 | ගරු ආර්. සම්බන්ධන් මහතා | ගරු කදිරවේලු කුගදාසන් මහතා |
| ජනාධිපති ධුරයට පත්වීම | ||
| 18 | ගරු රනිල් වික්‍රමසිංහ මහතා | ගරු වජිර අබේවර්ධන මහතා |
| 19 | ගරු අනුර කුමාර දිසානායක මහතා | ගරු ලක්ෂ්මන් නිපුණාරච්චි මහතා |
