සෞඛ්‍ය වෘත්තිකයින් 4,300කට ආසන්න පිරිසක් 2020 වසරේ සිට මේ දක්වා කාලය තුළ රට අතහැර ගොස් ඇතැයි පාර්ලිමේන්තු මන්ත්‍රී දොස්තර කාවින්ද ජයවර්ධන මහතා, පාර්ලිමේන්තුවේදී අද (06) ප්‍රකාශ කළේය.
සෞඛ්‍ය හා ජනමාධ්‍ය අමාත්‍යංශයේ වැය ශීර්ෂයේදී අදහස් දක්වමින් කාවින්ද ජයවර්ධන මන්ත්‍රීවරයා එසේ ප්‍රකාශ කළේය. වෛද්‍යවරු ඇතුළු සෞඛ්‍ය වෘත්තිකයින්ගේ දීමනා ගැටලුව සම්බන්ධයෙන් මීට වඩා සංවේදී විය යුතු බව ද, මන්ත්‍රීවරයා මෙහිදී සඳහන් කළේය.
එහිදී අදහස් දැක්වූ විපක්ෂ නායක සජිත් ප්‍රේමදාස මහතා සඳහන් කළේ වෛද්‍යවරුන් ශීඝ්‍රරයෙන් රට හැරයමින් ඇති බවයි. ඒ පිළිබඳව ආණ්ඩුව අවධානය යොමු කළ යුතු බවද විපක්ෂ නායක සජිත් ප්‍රේමදාස මහතා අවධාරණය කළේය.
