(උදයම්,කොළඹ) – ආපදාවට පත් ජනතාවට සහන ලබාදීම සඳහා චීන නාවික හමුදාවට අයත් නෞකා 3 ක් නිලධාරීන් 204ක් හා සාමාජිකයන් 716ක් ගෙන් සමන්විතව ඊයේ (31දා) කොළඹ වරායට සේන්දු වීය.
වෛද්‍ය කණ්ඩායම් පහක් (5) සහ ආපදා සහන කටයුතු සඳහා කුඩා යාත්‍රා 10 ක් දිවයින පුරා විපතට පත් ජනතාව උදෙසා සහන සැලසීමට ශ්‍රී ලංකා නාවික හමුදාව සමග එක්ව කටයුතු කිරීමට නියමිත වේ.
චීන නාවික හමුදාවේ ‘චෑන් චුන්’,‘ජින් ශොව්’ සහ ‘චාඕ හු’යන නෞකාවන් මෙසේ දිවයිනට පැමිණියේය.
චීන රජය විසින් ආපදා සහන සඳහා මෙරටට රැගෙන එන ලද කුඩා යාත්‍රා සහ සහනාධාර විශාල ප්‍රමාණයක් නිල වශයෙන් නාවික හමුදාධිපතිවරයාට පිරිනැමීමද සිදුවිය.
