(උදයම්,කොළඹ) – මැති ඇමතිවරුන්ට අතිරේක ප්‍රතිපාදන සැලසීම සඳහා තවත් පරිපූරක ඇස්තමේන්තුවක් පාර්ලිමේන්තුවට ඉදිරිපත් කෙරේ.
වාහන මිලදී ගැනීම,නිවාස අලුත්වැඩියා කිරීම වැනි විවිධ විෂය ක්ෂේත්‍රයන්ට අදාළව හදිසියේ මුදල් වෙන් කර ගැනීම මෙහි අපේක්ෂාව බව අප පාර්ලිමේන්තු වාර්තාකරු පවසයි.
රුපියල් 14 කෝටි හතලිස් දෙලක්ෂයකට අධික මෙම පරිපුරක ඇස්තමේන්තුව අද (07) පාර්ලිමේන්තුවට ඉදිරිපත්නකර තිබේ.
විසර්ජන පනතේ 6(1) වගන්ති විධිවිදාන යටතේ මෙම ප්‍රතිපාදන සපයනු ලබයි.
අදාළ වියදම් ඒකකයන්හි අනුමත අයවැය ඇස්තමේන්තුවල විශේෂයෙන් දක්වා ඇති අවශ්‍යතා සඳහා ඇගයීමක් කිරීමෙන් අනතුරුව, අදාළ මුදල් රෙගුලාසි සහ අනුමත විධිවිදාන වලට යටත්ව පමණක් මෙම ප්‍රතිපාදන සැපයීමට නියමිතය.
