(UTV| කොළඹ) – තලවකැලේ – ලිදුල නගර සභාවේ සභාපතිවරයා සහ නාගරික මන්ත්‍රිවරයෙකු ඇතුලූ හතරදෙනෙකු නුවරඑළිය පොලීසිය අත්අඩංගුවට ගනී.
ඒ අවුරුදු 5 ක දැරියක් පැහැරගෙන ගොස් මුදලට විකිණීමේ සිද්ධියක් සම්බන්ධයෙනි.
පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර සඳහන් කළේ ඊයේ මෙලෙස අත්අඩංගුවට ගෙන ඇත්තේ පසුගිය පළාත්පාලන මැතිවරණයේදී ඔරලෝසුව ලකුණ යටතේ ස්වාධීන කණ්ඩායමකින් තරඟ කර තලවකැලේ ලිදුල නගර සභාවේ සභාපති ධුරයට පත්වූ අනගිපුර අශෝක සේපාල සහ නාගරික මන්ත්‍රී ඉෂාර අනුරුද්ධ මංචනායක ඇතුලූ හතරදෙනෙකු බවයි.
2017 වසරේ ආගරපතන – පෝර්ට්මෝර් වත්ත ප්‍රදේශයේ පදිංචි වයස අවුරුදු පහක දැරියක පැහැරගෙන ගොස් මුදලට විකිණීම සම්බන්ධයෙන් ඊයේ නුවරඑළිය පොලිස් ස්ථානයට ලද පැමිණිල්ලකට අනුවයි මෙම අත්අඩංගුවට ගැනීම සිදුකර ඇත්තේ.
සැකකරුවන් අද නුවරඑළිය මහේස්ත්‍රාත් අධිකරණයට ඉදිරිපත් කිරීමට නියමිතයි.
[alert color=”faebcc” icon=”fa-commenting”] රටේ ලෝකයේ සිදු වන සිදුවීම් එසැණින් දැන ගන්න UTV alerts සක්‍රීය කරගන්න.[textmarker color=”8a6d3b”] UTV alerts සක්‍රීය කිරීමට .REG <හිස්තැනක් > utv ලෙස සටහන් කර 77000 ට [/textmarker] යොමුකිරීමෙන් මෙම උණුසුම් පුවත් ඔබට දැන් ලබා ගත හැක [/alert]
