ප්‍රමුඛ පුවත 1

උතුරු පළාත් සභාවේ සියලු නිළධාරීන්ට බදාදා දිනය අනිවාර්ය කරයි.

(UTV| කොළඹ) – උතුරු පළාත් සභාවේ සියලුම රජයේ නිලධාරීන් මහජන දිනය පැවැත්වෙන සෑම බදාදා දිනයකම කාර්යාලවල රැඳී සිටිය යුතු බව උතුරු පළාත් ආණ්ඩුකාර රෙජිනෝල්ඞ් කුරේ මහතා පැවසීය.

උතුරු පළාත් සභාවේ නිල කාලය පසුගිය ඊයේ (24) මධ්‍යම රාත‍්‍රියෙන් අවසන් වූ අතර ඒ අනුව එහි පරිපාලන බලය උතුරු ආණ්ඩුකාරතුමා වෙත පැවරිණි.

අද පෙරවරුවේ උතුරු පළාත් ආණ්ඩුකාර කාර්යාලයේදී එහි සියලුම අමාත්‍යාංශ ලේකම්වරුන්ගේ හා ආයතන ප‍්‍රධානීන්ගේ රැස්වීමක් පවත්වා ඇත.

එහිදී ආණ්ඩුකාරවරයා සදහන්කර ඇත්තේ මධ්‍යම රජය විසින් පළාත් සභාවලට නිකුත් කර ඇති චක‍්‍රලේඛ හා අනිකුත් නිත්‍ය අණ පනත් භාවිතා කරමින් තම තමන්ගේ කාර්යාලවල කටයුතු කිරීමේ දී මහජනතාවගේ හිත සුව පිණිස එම කටයුතු වඩාත් මහජනතාවට දැනෙන සුළු ආකාරයෙන් කළ යුතු බවයි.

එමෙන්ම සෑම බදාදා දිනයකම මහජනයා මුණ ගැසීම සඳහා කාර්යාල තුළ රැඳීසිටිය යුතු බවත් එසේ තමන්ට රැඳී සිටිය නොහැකි අවස්ථාවන්වල තමන්ගේ දෙවන නිලධාරියෙකු අනිවාර්යයෙන්ම කාර්යාලය තුළ රැඳී සිටිය යුතු බවටත් උපදෙස් ලබා දෙන ලෙස සියලුම අමාත්‍යාංශ ලේකම්වරුන් වෙත මෙහිදී ආණ්ඩුකාරතුමන් විසින් උපදෙස් ලබා දී තිබේ.

[alert color=”faebcc” icon=”fa-commenting”] රටේ ලෝකයේ සිදු වන සිදුවීම් එසැණින් දැන ගන්න UTV alerts සක්‍රීය කරගන්න.[textmarker color=”8a6d3b”] UTV alerts සක්‍රීය කිරීමට  .REG <හිස්තැනක් > utv ලෙස සටහන් කර 77000 ට [/textmarker] යොමුකිරීමෙන් මෙම උණුසුම් පුවත් ඔබට දැන් ලබා ගත හැක [/alert]

Related posts

මහ කන්නය සඳහා අවශ්‍ය පොහොර ගෙන්වා අවසන් – කෘෂි කාර්ම ඇමති

Mohamed Dilsad

අද තවත් අමාත්‍යවරු දිවුරුම් දෙයි

Mohamed Dilsad

කොරෝනා රෝගීන් 70 දක්වා ඉහළට

Mohamed Dilsad

Leave a Comment