ශ්‍රී ලංකාවාසී සියලුම හින්දු භක්තිකයින් වෙත උණුසුම් ශුභාශිංසන – අගමැති

එම පණිවිඩයේ වැඩිදුරටත් මෙසේද සඳහන් වෙයි..

ශ්‍රී ලංකාවේ හින්දු ආගමික බැතිමතුන්, මහත් භක්තියෙන් සමරන දීපාවලි උත්සවය අද දිනට යෙදී ඇත. දීපාවලි උත්සවය තුළින් පිළිබිඹු වන්නේ, හින්දු භක්තිකයින්ගේ ආධ්‍යාත්මික ගුණවගාවත්, සමාජයේ ජන කණ්ඩායම් හා පුද්ගලයින් අතර අවබෝධය හා සංහිඳියාවයි. හින්දු සම්ප්‍රදායට අනුව, දීපාවලි උත්සවයෙන් සැමරෙන්නේ, ක්‍රිෂ්ණා දෙවියන් නරකාසුර නැමති අසුරයා පරාජයකොට ලෝකයට ආ‍ලෝකයත්, ආශිර්වාදයත් ගෙන ඒමයි.

ශ්‍රී ලංකාවේ හින්දු භක්තිකයන් ආගමික වතාවත්වල යෙදෙමින් දීපාවලි උත්සවය සමරනු ලබයි. මෙම උත්කර්ෂවත් දිනයෙන් සංකේතවත් වන්නේ අඳුර පරාජය කරමින් ආලෝකයත්, අසත්‍ය පරාජය කරමින් සත්‍යයත්, නොදැනුවත්කම පරාජය කරමින් දැනුවත්කමත් ජයග්‍රහණය කිරීමයි. මේ ප්‍රීතිමත් අවස්ථාවේ දී ශ්‍රී ලංකාවාසී සියලුම හින්දු භක්තිකයින් වෙත මාගේ උණුසුම් ශුභාශිංසන පිරිනැමීමට කැමැත්තෙමි.

[alert color=”faebcc” icon=”fa-commenting”] රටේ ලෝකයේ සිදු වන සිදුවීම් එසැණින් දැන ගන්න UTV alerts සක්‍රීය කරගන්න.[textmarker color=”8a6d3b”] UTV alerts සක්‍රීය කිරීමට  .REG <හිස්තැනක් > utv ලෙස සටහන් කර 77000 ට [/textmarker] යොමුකිරීමෙන් මෙම උණුසුම් පුවත් ඔබට දැන් ලබා ගත හැක [/alert]