(උදයම්,කොළඹ) – ත්‍රිකුණාමලය ඇතුල්වරාය මුහුදු තීරයේ ඩොල්ෆින් මසුන් මැරීමට සම්බන්ධ වූ මාදැල් හිමියාගේ බලපත්‍රය තහනම් කිරීමට පියවර ගත් බව ධීවර හා ජලජ සම්පත් අමාත්‍යාංශය පවසයි.
විෂය භාර අමාත්‍ය මහින්ද අමරවීර මහතා ඊට අදාළ උපදෙස් ධීවර අධ්‍යක්ෂ ජනරාල්වරයා වෙත ලබාදී ඇත.
ත්‍රිකුණාමලය ඇතුල්වරාය මුහුදු තීරයේ ඩොල්ෆින් මසුන් මැරීමේ නිරත වූ ධීවරයින් 9 දෙනෙකු ඊයේ අත්අඩංගුවට ගනු ලැබීය.
ඔවුන් සතුව තිබූ ධීවර යාත්‍රා දෙකක් හා ඝාතනය කරන ලද ඩොල්ෆින් මසුන් 12 දෙනෙකු ද පොලිස් භාරයට ගැනුණි.
