(උදයම්,යාපනය) – චාවකච්චේරි බටහිර පේසාලේ ප්‍රදේශයේ තිබී රුපියල් කෝටි 2 ක් පමණ වටිනා කේරළ ගංජා තොගයක් සොයා ගනී.
එම ප්‍රදේශයේ කුඹුරක පාර්සල් කිහිපයක් දමාගොස් ඇති බවට පොලිසියට තොරතුරක් ලැබී තිබේ.
ඒ අනුව අද (10) උදෑසන පොලිසිය එම පාර්සල් තොගය සොයා ගෙන ඇත.
එම පාර්සල් පරීක්ෂාවට ලක් කිරීමේදී එහි තිබී කිලෝග්‍රෑම් 231 ක බරින් යුත් කේරළ ගංජා තොගය සොයා ගෙන තිබේ.
මේ සම්බන්ධයෙන් කිසිවෙකුත් අත්අඩංගුවට ගෙන නොමැති අතර චාවකච්චේරි පොලිසිය වැඩිදුර පරීක්ෂණ සිදුකරයි.
