ලබන මස සිට පන්ලක්ෂයකට අධික විශ්‍රාමිකයන්ගේ වැටුප් විෂමතා ඉවතට

මෙම විශ්‍රාම වැටුප් වැඩි කිරීම සඳහා හේතු වූයේ 2015 දෙසැම්බර් මස 31 දාට පෙර විශ්‍රාම ගිය රාජ්‍ය සේවකයන් සහ 2015 න් පසු විශ්‍රාම ගිය රාජ්‍ය සේවකයන් යන දෙපිරිස රාජ්‍ය පරිපාලන චක්‍රලේඛ දෙකක් යටතේ විශ්‍රාම ගැන්වීමෙන් ඇතිවූ විෂමතාවය හේතුවෙනි.2015 දෙසැම්බර් මස 31 වැනි දාට පෙර විශ්‍රාම ගිය අය සඳහා 05/2015 වක්‍රලේඛය ක්‍රියාත්මක වූ අතරඉන් පසු විශ්‍රාම යන්නන් සඳහා ක්‍රියාත්මක වනුයේ 03/2016 චක්‍ර ලේඛයයි.03/2016 යටතේ වන විශ්‍රාමිකයන් සඳහා 2020 දක්වා ක්‍රමානූකූලව වැටුප් සංශෝධන සිදු කෙරෙන අතර 2015 වැටුපට සාපේක්ෂව එම සියලු රාජ්‍ය සේවකයන්ගේ මූලික වැටුප 2020 දී 107%කින් වැඩිවනු ඇත.

මේ අනුව, 2015.12.31 දිනට පෙර විශ්‍රාම ගිය කාර්යාල කාර්ය සහයක පළමු ශ්‍රේණියේ විශ්‍රාමිකයකුගේ වැටුප රුපියල් 2800/=කින් පමණ ඉහළ යනු ඇත. කළමනාකරණ සහකාර පළමු ශ්‍රේණියේ විශ්‍රාමිකයකුට රුපියල් 5,200/=ක පමණ විශ්‍රාම වැටුප් වැඩිවීමක් හිමි වනු ඇත.

ගුරු සේවයේ පළමු ශ්‍රේණියේ විශ්‍රාම වැටුප රුපියල් 9,200/=කින් පමණ ඉහළ යන අතර විශ්‍රාමික පළමු ශ්‍රේණියේ හෙද නිලධාරී වැටුප රුපියල් 7,100/=කින් පමණ ඉහළ යයි. විශ්‍රාමික පොලිස් සැරයන්වරයකුගේ වැටුප ඉහළ යන්නේ රුපියල් 4200/=කිනි. විශ්‍රාමික ජ්‍යෙෂ්ඨ විධායක නිලධාරියකුගේ විශ්‍රාම වැටුප රුපියල් 16,000/= කින් පමණ ඉහළ යන අතර, 2015.12.31 ට ප්‍රථම විශ්‍රාම ගනු ලැබූ අමාත්‍යාංශ ලේකම්වරයකුගේ වැටුප රුපියල් 20,000/=කින් පමණ ඉහළ යනු ඇත.

මෙම විශ්‍රාම වැටුප් සංශෝධනයත් සමග 05/2015 චක්‍රලේඛය යටතේ විශ්‍රාම ගිය සේවයකන් සඳහා වැටුප් විෂමතා ඉවත් වන තුරු ගෙවන ලද රුපියල් 3,500 අන්තර් දීමනාව නව වැටුප් ව්‍යුහයට ඇතුළත් කරන අතර, රුපියල් 3,525 ජීවන වියදම් දීමනාව තව දුරටත් හිමිවේ. මෙම විශ්‍රාම වැටුප් වැඩි කිරීම සඳහා රජය අයවැය මගින් රු. මිලියන 12,000 ක් වෙන් කර ඇත.

[alert color=”faebcc” icon=”fa-commenting”] රටේ ලෝකයේ සිදු වන සිදුවීම් එසැණින් දැන ගන්න UTV alerts සක්‍රීය කරගන්න.[textmarker color=”8a6d3b”] UTV alerts සක්‍රීය කිරීමට  .REG <හිස්තැනක් > utv ලෙස සටහන් කර 77000 ට [/textmarker] යොමුකිරීමෙන් මෙම උණුසුම් පුවත් ඔබට දැන් ලබා ගත හැක [/alert]