(උදයම්,කොළඹ) – ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා විසින් පවත්වාගෙන හා උපවාසය අත්හැරීමට තීරණය කර ඇති බව ජාතික නිදහස් පෙරමුණේ ප්‍රකාශකයෙකු පැවසීය.
විමල් වීරවංශ මහතාගේ සැප දුක් බැලීමට කෝට්ටේ අනුනායක ගොඩපිටියේ රාහුල හිමි, උදිත හිමි, සුමනජෝති හිමි ඇතුළු හිමිවරුන් පිරිසක් කොළඹ ජාතික රෝහලට වැඩම කර ඇත.
මෙහිදී උපවාසය අත්හරින ලෙස මහා සංඝරත්නය විසින් මන්ත්‍රීවරයාගෙන් ඉල්ලීම් කරන ලැබුහ.
එම ඉල්ලීමට ගරු කරමින් කිරි වීදුරුවක් පානය කොට මන්ත්‍රීවරයා උපවාසය අත්හළ බව වාර්තාවේ.
රජයේ වාහන අවභාවිතා කළ බවට චෝදනා එල්ලවී ඇති පාර්ලිමේන්තු මන්ත්‍රී විමල් වීරවංශ මහතා අත්අඩංගුවට ගෙන රක්ෂිත බන්ධනාගාර ගත කරන ලැබීමෙන් පසු ඇප ඉල්ලා අයදුම් කළද ඇප නොලැබීම හේතුවෙන් පසුගිය 22 දා ආහාර වර්ජනය කරමින් මන්ත්‍රීවරයා බන්ධනාගාරය තුළදී උපවාසයක් ආරම්භ කරන ලදී.
