(UTV| කොළඹ) – සහරාන්ගේ බිරිඳගේ වැඩිමහල් සහෝදරයා අත්අඩංගුවට ගෙන තිබේ.
ඊයේ (29) රාත්‍රි 10.30ට පමණ කටුපොතදී කොළඹ අපරාධ විමර්ශන ඒකකය විසින් කටුපොත ප්‍රදේශයේදී අත්අඩංගුවට ගෙන ඇත.
මෙලෙස අත්අඩංගුවට ගෙන ඇත්තේ වයස අවුරුදු 28ක් වූ කැකුණගොල්ල කටුපොත පදිංචි මොහොම්මදු අබ්දුල් කාදර් අසීම් නැමැත්තෙකි.
ඔහු නුවරඑළිය ප්‍රදේශයේ පවත්වන ලද අවි ආයුධ පුහුණුවීම් හා දේශණවලට සහභාගීවී ඇති බව වාර්තාවේ.
තහනම් කරන ලද අන්තවාදී මුස්ලිම් සංවිධානයක් වන ජාතික තවුහීත් ජමාත් සංවිධානයේ නායක කාසීම් සහරාන් යන අය විසින් නුවරඑළිය ප්‍රදේශයේ මෙම අවි ආයුධ පුහුණුවීම් හා දේශණ පවත්වා තිබුණි.
මෙම සැකකරු සහරාන් යන අයගේ බිරිඳගේ වැඩිමහල් සහෝදරයා වන අතර මෙම සැකකරුගේ මවගේ සහෝදරිය විවාහවී සිටින්නේ නවුපර් මව්ලවී සමග බවද වාර්තාවේ.
[alert color=”faebcc” icon=”fa-commenting”] රටේ ලෝකයේ සිදු වන සිදුවීම් එසැණින් දැන ගන්න UTV alerts සක්‍රීය කරගන්න.[textmarker color=”8a6d3b”] UTV alerts සක්‍රීය කිරීමට .REG <හිස්තැනක් > utv ලෙස සටහන් කර 77000 ට [/textmarker] යොමුකිරීමෙන් මෙම උණුසුම් පුවත් ඔබට දැන් ලබා ගත හැක [/alert]
