(උදයම්,කොළඹ) – මෙරට සංචාරය කිරීමෙන් වළකින ලෙස කටාර් රාජ්‍ය විසින් එරට වැසියන්ට කර ඇති දැනුම් දීම සම්බන්ධයෙන් සෞඛ්‍ය අමාත්‍යංශ ලේකම්වරයා කරුණු පහදයි.
විදේශ අමාත්‍යංශ ලේකම්වරයා වෙත ලිපියක් යොමු කරමින් ඔහු මේ පිලිබඳ පැහැදිලි කිරීමක් සිදුකර තිබේ.
ඉන් සෞඛ්‍ය අමාත්‍යංශ ලේකම්වරයා ප්‍රකාශ කර ඇත්තේ ශ්‍රී ලංකාව තුළ AH1N1 වෛරසය පැතිර යාමේ භයානක තත්ත්වයක් නොමැති බවයි.
AH1N1 වෛරසය මේ වනවිට රටවල් රැසක පැතිර පවතින සාමාන්‍ය ඝණයේ රෝගී තත්ත්වයක් බව සෞඛ්‍ය අමාත්‍යංශ ලේකම්වරයා පෙන්වා දෙයි.
මේ වන විට ශ්‍රී ලංකාව තුළ AH1N1 වෛරසය පැතිරයාමේ ඉහළ ප්‍රවනතාවක් පැවතිය ද එය සංචාරක අනතුරු ඇඟවීමක් නිකුත් කිරීමට තරම් භයානක තත්ත්වයක් නොවන බව සෞඛ්‍ය අමාත්‍යංශ ලේකම්වරයා, විදේශ කටයුතු අමාත්‍යංශ ලේකම් ඇසළ වීරකෝන් මහතා වෙත යොමුකළ ලිපියේ සඳහන් කර තිබේ.
