(UTVNEWS|COLOMBO) – இந்தியாவின் முன்னணி வேகப்பந்து வீச்சாளரான ஜஸ்பிரிட் பும்ரா, உபாதை காரணமாக தென்ஆப்பிரிக்கா தொடரில் இருந்து விலகியுள்ளார்.
இந்தியாவுக்கு சுற்றுப் பயணம் மேற்கொண்டுள்ள தென்னாபிரிக்க கிரிக்கெட் அணி, இந்திய கிரிக்கெட் அணியுடன் மூன்று போட்டிகள் கொண்ட இருபதுக்கு 20 தொடரில் விளையாடிய பின்னர் மூன்று போட்டிகள் கொண்ட டெஸ்ட் தொடரில் விளையாடவுள்ளது.
இந்த சுற்றுப் பயணத்தின் போது தென்னாபிரிக்க அணியுடன் இந்தியா விளையாடவுள்ள டெஸ்ட் தொடரில் இருந்தே ஜஸ்பிரிட் பும்ரா முதுகுப் பகுதியில் ஏற்பட்ட காயம் காரணமாக விலகியிருக்கின்றார்.
ஜஸ்பிரிட் பும்ராவுக்கு பதிலாக உமேஷ் யாதவ் அணியில் இடம் பிடித்துள்ளார்.
டெஸ்ட் போட்டியில் விளையாடும் ஆர்வத்தில் இருந்த பும்ராவுக்கு, காயம் தடைக்கல்லாக அமைந்துவிட்டது. பும்ரா இல்லாதது இந்திய அணிக்கு மிகப்பெரிய இழப்பாகும்.
