(UTV | කොළඹ) – ජනාධිපතිවරණයට අදාළව තැපැල් ඡන්ද සලකුණු කිරීමට පුරා දින 05 ක් ලබාදී තිබූ අතර එය ඊයේ (07) දිනයෙන් අවසන් විය.
ඒ අනුව තැපැල් ඡන්ද ගණනය කිරීමේ කටයුතු 16 වැනිදා පස්වරු පහෙන් පසු සිදුකරන බව මැතිවරණ කොමිසමේ සභාපති මහින්ද දේශප්‍රිය සඳහන් කළේය.
මීට අමතරව , ඊයේ පැවති මාධ්‍ය හමුවකදී පොලිස් මාධ්‍ය ප්‍රකාශක රුවන් ගුණසේකර සඳහන් කර සිටියේ ජනාධිපතිවරණයට අදාළව ගෙයින් ගෙට ගොස් අපේක්ෂකයින් ප්‍රවර්ධනය කිරීමේදී පුද්ගලයින් 11 දෙනෙකුට වඩා ගමන් කළ නොහැකි බවත් , නීතිවිරෝධී පෝස්ටර් සහ කටවුට් ඉවත් කිරීම සඳහා දිවයිනේ සියළුම පොලිස් ස්ථාන ආවරණය වන පරිදි තාවකාලිකව කම්කරුවන් 1661 ක් යෙදවීමටද කටයුතු කර ඇති බවත්ය.
[alert color=”faebcc” icon=”fa-commenting”] රටේ ලෝකයේ සිදු වන සිදුවීම් එසැණින් දැන ගන්න UTV alerts සක්‍රීය කරගන්න.[textmarker color=”8a6d3b”] UTV alerts සක්‍රීය කිරීමට .REG <හිස්තැනක් > utv ලෙස සටහන් කර 77000 ට [/textmarker] යොමුකිරීමෙන් මෙම උණුසුම් පුවත් ඔබට දැන් ලබා ගත හැක [/alert]
