(UTV – කොළඹ) – මෙවර ජනාධිපතිවරණය සන්දහා වන පොදුරාජ්‍ය මණ්ඩලීය නිරීක්ෂණ කණ්ඩායමක් අද(10) දිවයිනට පැමිනීමට නියමිතය.
ජනාධිපතිවරණයේ නිරීක්ෂණ කටයුතු සඳහා පැමිණෙන පොදුරාජ්‍ය මණ්ඩලීය නිරීක්ෂණ කණ්ඩායම සාමාජිකයන් දසදෙනෙකුගෙන් සමන්විත වන අතර එම කණ්ඩායමේ ප්‍රධානත්වය දරන්නේ ඝානාවේ හිටපු අභ්‍යන්තර කටයුතු අමාත්‍ය ප්‍රොස්පර් බානි විසිනි.
තවද ඕස්ට්‍රෙලියාවේ හිටපු නියෝජ්‍ය මැතිවරණ කොමසාරිස් පෝල් ඩෙසේ, එක්සත් රාජධානියේ ජාත්‍යන්තර සංවර්ධන කටයුතු පිළිබඳ විශේෂඥ ආචාර්ය මීනා ෂිව්දාස් මෙන්ම පාකිස්ථානය, නවසීලන්තය, සැම්බියාව ඇතුලු රටවල් රැසක නියෝජිතයන් ඊට ඇතුළත්වේ.
මීට අමතරව හයදෙනෙකුගෙන් යුත් පොදුරාජ්‍ය මණ්ඩලීය සහයක කණ්ඩායමක්ද එම නිරීක්ෂකයන්ට එක්වන බව වාර්තා වෙයි.
පොදුරාජ්‍ය මණ්ඩලීය මහ ලේකම්වරිය ‘පැට්‍රීෂියා ස්කොට්ලන්ඩ්’ පසුගියදා ශ්‍රී ලංකාවේ සංචාරයක නිරතවෙමින් පැවසුවේ තමාගේ ඉල්ලීම පරිදි මෙවර ජනාධිපතිවරණය නිරීක්ෂණය සඳහා කණ්ඩායම මෙරටට පැමිණෙන බවයි.
[alert color=”faebcc” icon=”fa-commenting”] රටේ ලෝකයේ සිදු වන සිදුවීම් එසැණින් දැන ගන්න UTV alerts සක්‍රීය කරගන්න.[textmarker color=”8a6d3b”] UTV alerts සක්‍රීය කිරීමට .REG <හිස්තැනක් > utv ලෙස සටහන් කර 77000 ට [/textmarker] යොමුකිරීමෙන් මෙම උණුසුම් පුවත් ඔබට දැන් ලබා ගත හැක [/alert]
