ரயில் சேவை நேர அட்டவணையில் திருத்தம்

(UTV|COLOMBO) – பயணிகள் மற்றும் பாடசாலை மாணவர்களின் தேவையை கருத்திற்கொண்டு இன்று முதல் நடைமுறைக்கு வரும் வகையில், இலங்கை ரயில் சேவை நேர அட்டவணையில் திருத்தங்களை மேற்கொண்டுள்ளதாக  ரயில் திணைக்கள போக்குவரத்து அதிகாரி வஜிர பொல்வத்த தெரிவித்துள்ளார்.

இதற்கமைய, பிற்பகல் 1.40க்கு கொழும்பு – கோட்டையிலிருந்து றம்புக்கணை நோக்கி பயணிக்கும் ரயில் இன்று முதல் பிற்பகல் 1.25க்கு புறப்பட உள்ளதுடன், அனைத்து ரயில் நிலையங்களிலும் அது நிறுத்தப்படவுள்ளது.

இதேநேரம், பிற்பகல் 1.45க்கு கொழும்பு – கோட்டைபியிலிருந்து பொல்கஹவளை வரை புதிய ரயில் ஒன்று சேவையில் ஈடுபடுத்தப்பட்டுள்ளதாக தெரிவிக்கப்பட்டுள்ளது.

பிற்பகல் 1.55க்கு கொழும்பு – கோட்டை முதல் வெயாங்கொடை வரை பயணிக்கும் ரயில் அனைத்து ரயில் நிலையங்களிலும் நிறுத்தப்படும் என ரயில் திணைக்கள போக்குவரத்து அதிகாரி வஜிர பொல்வத்த தெரிவித்துள்ளார்