හෙට (23) දිනයේදී කොළඹ ප්‍රදේශ කිහිපයකට ජල සැපයුම අත්හිටවන බව ජාතික ජලසම්පාදන හා ජලපවාහන මණ්ඩලය පවසනවා.
කොළඹ නගර සංවර්ධන ව්‍යාපෘතියේ කටයුතු හේතුවෙන් හෙට පෙරවරු 9.00 සිට අනිද්දා පෙරවරු 9.00 දක්වා ජල සැපයුම අත්හිටුවීමට සිදුවන බව ජාතික ජලසම්පාදන හා ජලපවාහන මණ්ඩලය පවසනවා. ඒ අනුව කොලොන්නාව, රාජගිරිය නාවල ඇතුළු ප්‍රදේශ කිහිපයකට මෙලෙස ජල සැපයුම අත්හිටුවනු ඇති.
කොලොන්නාව නගර සභා බල ප්‍රදේශය, රාජගිරිය, මොරගස්මුල්ල, ඔබේසේකරපුර, බණ්ඩාරනායකපුර, නාවල, කොස්වත්ත සහ රාජගිරියේ සිට නාවල විවෘත විශ්වවිද්‍යාලය දක්වා මාර්ගය සහ ඊට සම්බන්ධ සියලු අතුරු මාර්ග ආශ්‍රිත ප්‍රදේශවල අදාළ කාලය තුළ ජල සැපයුම අත්හිටුවන බව වැඩි දුරටත් සඳහන් වේ.
