(UTV | කොළඹ) – උණුසුම් කාළගුණයත් සමග ඕස්ට්‍රේලියාවේ ප්‍රාන්ත රැසක පැතිරෙන ලැව් ගිනි සමඟ හදිසි තත්ත්වයන් සඳහා ගුවන් හමුදා යානා මෙන්ම පාබල හමුදා සහය ලබාගත් බව විදෙස් මාධ්‍ය වාර්තා කරයි.
ලැව් ගිනි හේතුවෙන් මේ වන විට පුද්ගලයන් 12 දෙනෙකු පමණ ජීවිතක්ෂයට පත්ව තිබේ.
සති ගණනාවක් තිස්සේ ඇවිලෙන ලැව් ගිනි හේතුවෙන් හෙක්ටයාර මිලියන 4 ඉක්ම වූ වන ප්‍රදේශයක් විනාශ වී ඇති අතර , ලැව් ගිනි හේතුවෙන් වික්ටෝරියා ප්‍රාන්තයේ 4000 කට අධික පිරිසක් වෙරළ ආසන්න ප්‍රදේශවලට පැමිණ ඇති බව විදෙස් මාධ්‍ය වාර්තා පවසයි.
සති ගණනාවක් පුරාවට පැතිර යන ලැව් ගිනි හේතුවෙන් නිවාස සහ දේපළ විශාල ප්‍රමාණයක් විනාශ වී ඇති අතර ඇතැම් ප්‍රදේශවල විදුලිය බිඳ වැටීම් ද වාර්තා වී තිබේ.
