(UTV | ඉන්දියාව) – ඉන්දියාව විසින් සඳ තරණය කිරීම සඳහා 3 වන වරටත් මෙහෙයුමක් ක්‍රියාත්මක කිරීමට තීරණය කර ඇත.
ඉන්දීය අභ්‍යවකාශ ඒජන්සියේ ප්‍රධානී කේ සිවන් පවසන ආකාරයට 2021 වසරෙන් පසු මිනිසුන් රහිත යානයක් සඳ මත ගොඩබැස්වීමට ඔහුන් අපේක්ෂා කරයි.
චන්ද්‍රයාන් – 3 ලෙස හඳුන්වන මෙම ව්‍යාපෘතිය සාර්ථක වුවහොත් චන්ද්‍රයා මතට යානයක් ගොඩබැස්වූ 4 වන රට බවට ඉන්දියාව පත් වනු ඇත.
අමෙරිකාව ,රුසියාව සහ චීනය එම අභියෝගය ජයගෙන ඇති අනිකුත් රටවල් වේ.
චන්ද්‍රයාන් 2 ව්‍යාපෘතිය මීට මාස කිහිපයකට ඉහතදී අසාර්ථකවී කෙටි කලකින් ඉන්දියාව නව සැලසුම එළිදැක්වීම විශේෂත්වයකි.
මෙම මෙහෙයුමේ ප්‍රධාන අරමුණ සඳ මත ජලය හෝ ඛණිජ ඇතිදැයි සොයා බැලීම වන අතර ඒ සඳහා වැයවනු ඇතැයි අපේක්ෂිත මුදල අමෙරිකානු ඩොලර් මිලියන 35 කි.
අභ්‍යවකාශ ව්‍යාපෘති 20 ක් පමණ මෙම වසරේදී සිදුකිරීමට ඉන්දියාව අපේක්ෂා කරන අතර ගගණගාමීන් 4 දෙනෙකු අභ්‍යවකාශයට යැවීමද ඊට අයත් වේ.
