(UTV | කොළඹ) – මෙරට වැඩිවන බලශක්ති ඉල්ලුම සැලකිල්ලට ගනිමින් රුසියාවට යම් දිනෙකදී ශ්‍රී ලංකාවේ න්‍යෂ්ටික බලාගාරයක් ඉදිකිරීමට හැකි වනු ඇතැයි කොළඹ රුසියානු තානාපති යූරි මැටේරි ස්පුට්නික් පවසයි.
ඔහු මේ බව පවසා ඇත්තේ සම්මුඛ සාකච්ඡාවකට එක් වෙමිනි.
පරිසර දූෂණයෙන් තොර බලශක්ති නිෂ්පාදනයට ශ්‍රී ලංකා රජය කැමැත්තක් දක්වන බැවින් න්‍යෂ්ටික බලශක්තිය භාවිතා කළ හැක්කේ දිගුකාලීන දෘෂ්ටිකෝණයකින් පමණක් වන බවත් ඊට අදාළ මුලික පියවර දැනටමත් ගෙන ඇති බව තානාපතිවරයා පැවසීය.
මේ සම්බන්ධයෙන් වසර 2017 දී රුසියාවේ න්‍යෂ්ටික සංස්ථාව වන රොසැටම් සහ ශ්‍රී ලාංකික රජය අතර ආරම්භ කරන ලද අන්තර් රාජ්‍ය ගිවිසුම පිළිබඳ පළමු උපදේශනය පැවැත්වූ බවද තානාපතිවරයා සඳහන් කළේය.
