(UTV | කොළඹ) – පොලිස් විශේෂ කාර්ය බලකාය විසින් සංවිධානාත්මක අපරාධ සහ මත්ද්‍රව්‍ය ජාවාරම්කරුවෙකු වන වැල්ලේ සුරංග නැමැත්තාගේ ඥාතියෙකු මට්ටකුලිය – සමිට්පුර ප්‍රදේශයේදී අයිස් මත්ද්‍රව්‍ය සමඟ අද (18) අත්අඩංගුවට ගෙන තිබේ.
පොලිස් විශේෂ කාර්ය බලකායේ අණ දෙන නිලධාරී නියෝජ්‍ය පොලිස්පති ලයනල් ගුණතිලකගේ උපදෙස් මත මෙම වැටලීම සිදුකර ඇති අතර එම අවස්ථාවේදී 44 හැවිරිදි සිරිවර්ධන ආරච්චිගේ සමන් නැමති මෙම පුද්ගලයා අත්අඩංගුවට ගෙන ඇති බව සඳහන් වේ.
මෙහිදී වැඩිදුරටත් අනාවරණය වී ඇත්තේ සැකකරු 2005 වසරේදී යුද හමුදාවෙන් ඉවත් වී ඇති අතර පසුව වැල්ලේ සුරංගට ගිනි අවි සම්බන්ධ සිදුකරන අපරාධ සඳහා උපදෙස් ලබාදී ඇති බවයි.
අයිස් මත්ද්‍රව්‍ය ග්‍රෑම් 215ක් සැකකරු සතුව තිබී පොලිස් විශේෂ කාර්ය බලකාය භාරයට ගෙන තිබේ.
