(UTV | කොළඹ) – දක්ෂිණ අධිවේගී මාර්ගයේ ඊයේ (23) විවෘතකල මාතර – හම්බන්තොට දක්වා කොටස සාමාන්‍ය ජනතාව වෙනුවෙන් විවෘත වනුයේ අද (24) රාත්‍රී 12 න් පසුව බව මාර්ග සංවර්ධන අධිකාරිය ප්‍රකාශ කරයි.
ඒ අනුව පුද්ගලික වාහන මෙන්ම ලංගම බස් සඳහාද මාර්ගය භාවිත කිරීමට අවසර හිමිවන්නේ අද රාත්‍රී 12 න් පසුවයි.
හම්බන්තොට සිට කොළඹ දක්වා මගී ප්‍රවාහන බස් සේවාව හෙට (25) ආරම්භ වීමට නියමිතය.
ඒ අනුව හම්බන්තොට සිට පිටකොටුවට අයකෙරෙන අධි සුඛෝපභෝගී ලංගම බස් ගාස්තුව රුපියල් 880 ක් වන අතර , හම්බන්තොට සිට මාකුඹුර දක්වා රුපියල් 810 ක් අය කිරීමට නියමිතය.
අධිවේගී මාර්ගයේ පළමු ගමන් වාරය හෙට පෙරවරු 08. 30 ට හම්බන්තොටින් ආරම්භ කිරීමට නියමිතයි.
