(UTV | කොළඹ) – ජිනීවා නුවරදී එක්සත් ජාතීන්ගේ මානව හිමිකම් කවුන්සිලයේ 43 වන සැසිවාරය ඇමතීමට විදේශ කටයුතු අමාත්‍ය දිනේෂ් ගුණවර්ධන මහතා අද (26) නියමිතයි.
විදේශ සබඳතා අමාත්‍යංශය සඳහන් කළේ පැවති රජය සම අනුග්‍රාහකත්වය සපයන ලද යෝජනා 2 කින් ඉවත්වීමට වත්මන් රජය ගෙන ඇති තීරණය ඔහු එහිදී නිල වශයෙන් දැනුම්දීමට නියමිත බවයි.
ශ්‍රී ලංකාව සම්බන්ධයෙන් ජගත් මානව හිමිකම් මහ කොමසාරිස් මිෂෙල් බැෂ්ලේ මහත්මිය විසින් සකස් කල වාර්තාව හෙට (27) දිනයේදී සාකච්ඡාවට ලක් කිරීමට නියමිතයි.
එම වාචික කරුණු දැක්වීම්වලට ද දිනේෂ් ගුණවර්ධන මහතා ප්‍රතිචාර දැක්වීමට නියමිත බවත් ඔහු ජගත් මානව හිමිකම් මහ කොමසාරිස් මිෂෙල් බැෂ්ලේ මහත්මියව ලබන සිකුරාදා (28) හමුවීමටත් විදේශ අමාත්‍යංශය වැඩිදුරටත් සඳහන් කළේය.
