(UTV | කොළඹ) – මේ වන විට කොළඹ, ගම්පහ සහ කළුතර යන දිස්ත්‍රික්ක තුනට පනවා ඇති ඇදිරි නීතිය ලබන මස 03 වැනිදා දක්වා දීර්ඝ කිරීම කෙරෙහි රජයේ අවධානය යොමුවී ඇති බව වාර්තා වෙයි.
කොළඹ, ගම්පහ සහ කළුතර යන දිස්ත්‍රික්ක තුන කොරෝනා ආසාදනය වීමේ අවදානම් කලාපයක් ලෙස ප‍්‍රකාශයට පත් කරමින් රජය විසින් ඉකුත් 24 වැනිදා පස්වරු 2.00 සිට නැවත දැනුම් දෙනතුරු ඇදිරි නීතිය පනවනු ලැබීය.
කොළඹ කොටුවේ පිහිටි රතු පල්ලියේ ඉකුත්දා පැවැති දේව මෙහෙයකට සභභාගී වූ පියකුට හා පුතකුට කොරෝනා වසංගතය ආදානය වූ බවට තහවුරු වීමෙන් පසුව, දේව මෙහෙයට සහභාගී වූ සෙසු පිරිස මේ වන විට නිරෝධනය සදහා යොමු කර ඇති අතර , එම පිරිසේ නිරෝධානය ලබන 03 වැනිදා අවසන් වීමට නියමිතව ඇති බැවින් එතෙක් මෙම ඇදිරි නිතීය ක්‍රියාත්මක කිරීමට බොහෝ දුරට ඉඩ ඇතැයි රජයේ ආරංචි මාර්ග කියයි.
