(UTV | කොළඹ) – කොරෝනා මර්දනය වෙනුවෙන් ශ්‍රී ලංකාවට ඩොලර් මිලියන 128.6 ක ණය මුදලක් පිරිනැමීමට ලෝක බැංකුව තීරණය කර තිබේ.
එම මුදල් ආසාධිතයන් හඳුනාගැනීම, රසායනාගාර කටයුතු වැනිදෑ වෙනුවෙන් වෙන් කෙරෙනු ඇති.
මෙමගින් සමස්ත ශ්‍රී ලාංකික ප්‍රජාවටම ප්‍රතිලාභ අත්වන බව ලෝක බැංකුව නිවේදනයක් නිකුත් කරමින් සඳහන් කළේය.
පවතින තත්වය පාලනයට ශ්‍රී ලංකා බළධාරීන් සමග තවදුරටත් සහයෝගයෙන් කටයුතු කරන බවද ලෝක බැංකුව ප්‍රකාශ කලා.
ලෝක බැංකුවෙන් හිමිවන ණය අයි ඩී එච් රෝහල වැනි ස්ථානවල පහසුකම් වැඩිදියුණු කිරීමටත් බොරැල්ල වෛද්‍ය පර්යේෂණායතනයේ රසායනාගාර පහසුකම් ඉහළ නැංවීමටත් අපේක්ෂා කරන බව සඳහන්.
